Sunehri Jaliyan

Kya Karoon ke yaad aati hein Sunehri Jaliyan

Dil mein ek Halchal machati hei Sunehri Jaliyan

Apni Palkon se unhe mein Chumta hun der tak

Dil mein jab bhi Jagmagati hein Sunehri Jaliyan

Putne lagti hein phir ummid ki Kirnein nayeein

Khwab Aankhon mein jagati hein Sunehri Jaliyan

Zindagi bhar ki thakan ko door kar deti hai wo

Pyar se jab Muskurati hein Sunehri Jaliyan

Puchhne wale mein Lafzon mein bayan kese karun

Kya bataun kya dikhati hein Sunehri Jaliyan

Jo yahan pahuncha wo Aaqa ki shafa'at pa gaya

Rah Jannat ki dikhati hein Sunehri Jaliyan